أمي

السلام عليكم أنا ست متجوزة عندي 45 سنة نشأت في بيت أشبه بالمعتل كانت امى بتعاملنا بقـ،ـسوة فظيعة.ضـ،ـرب شد.يد واها.نه وكـ،ـسرة نفس لاتفه الاسباب يعنى مثلا لو كىسرت كباية غصب عني وانا بغسل المواعين يبقى فيها علقة مىوت

كانت بتملى حلة ميه كبيرة وتغطس راسى فيها وبرضه بيبقى علشان سبب تافه. حىرمان عاطفى رررهيييب مفيش حنان نهاائي حتى لبلة فرحى أهىانتنى وخلتنى أنام معيطة ..ورغم كده كنت ملتزمة وبصلى ومقربه من ربنا الحمد لله ..والغريب انى كنت دايما بحاول اسعدها وارضيها

. ابويا كان راجل هادى بس كان سلبى وكان كبير في السن

اتجوزت إبن عمى من 24 سنة. وده كان أول واحد أحس معاه باهتمام وحنان علشان كده حبيته قوى وكنت ماشيه وراه وأنا مغمضه

يعنى لو قالى ارمى نفسك في البحر كنت هقول اكيد هو عارف الصح ايه

وهنا تبدأ مشكلتى.. كل يوم بدأت عيوبه تظهر واهمها إنه إنسان كسوووووول جدا لأقصى درجة

مش عايز يعمل حاجه في حياته

هو موظف نقل نفسه في وظيفة تانيه علشان مفيهاش شغل وعلى طول قاعد في البيت

اخد دهبى كله وباعه علشان يسد ديونه

عندنا ست اولاد ماشاء الله لكن هو مش شاغل نفسه بيهم أصلا يعني لو حد فينا تعبان أو محتاج حاجه هو مش عايز يعرف ولا عايز يسمع ولا مهتم

أهم حاجة عنده راحته وانبساطه هو وبس

مش عايز حد يزعجه بأى مسؤلية كل قراراته غلط علشان دايما بيختار راحته حتى لو هتىضرنا

وبياخد مرتبى كله واى فلوس تبقى معايا ياخدها. لحد دلوقتي عايشين على السلف من أمه واخته وأصحابه حتى ولاده .الديون مش بتخلص والعيشه بقت صعبه حتى في الاكل والشرب وهو برضه رافض يعمل أى حاجة تحسن الدخل بيقول أنا عايز اتبسط وبس

حاولت معاه كتير أنه يشتغل على الأقل علشان منستلفش مفيش فايده

حتى العىلاقة الخاصة اللى بيننا بيطلبها كل يوم برضه علشان يتبسط لما أنا زهقت وقربت اكىرهه

المشكلة الأكبر دلوقتي في الاولاد كبروا وابوهم معملش ليهم أى حاجة

كل اخواته واولاد أعمامه بنوا بيوت وعملوا شىقق لأولادهم

كل العيلة كده إلا هو معملش ليهم أى حاجة

العيال زعلانين وعندهم إحىباط وحاسين أنهم أقل من شباب العيله كلهم والزمن بقى صعب

بيقولوا يا ماما بابا هيخلينا نبدا من الصفر

معملش علشاننا أى حاجة وهو ولا فارق معاه

أكلمه علشان ولاده يقولى أنا زى الفل وده اللى عندى.. أنا صعبان علي ولادى قوى وحاسه انى كر.هت الراجل ده

ومش عارفه اعمل ليهم ايه.. نفسيتي تعبت معلش كنت بفضفض معاكم

طولت عليكم أنا آسفه..لكن لو حد عنده نصيحة ميبخلش عليا بيها.. لكن بدون تجريح لو سمحتم.و ربنا يسعدكم.