جوزي دلوعه العيلة
جوزي دلوعة العيلة كلها اكمنه اول حفيد ومعظم الأحفاد طلعوا بنات فكان جوزي العين عليه من بنات عيلتهم طبعا جيت انا بقى يا استاذه غاده اتجوزته بعد قصة حب والله هو كان بيحبني أكتر بس مكنتش متخيله ان الحب ده حيصعب عليه حاجات كتيره يمكن أصعب من المشاكل اللي دايما بقراها على صفحتك ازواج لكن سعداء بس اعمل ايه النصيب كده
،جوزي عنده عمام وعمات كتير مشكلتي مع عمه اللي في ألمانيا ده راجل نزيه وتحسيه اوروبي في تعامله هو كبير بس مش باين عليه جه حضر فرحنا وقعد شهر يصيف قبل ما يسافر تعامله ناعم اووي مع الستات انا كنت بتحاشاه على قد ما أقدر لاني اتربيت في بيتي على احترام الكبير المهم جه بيتنا يوم السبوع والصراحة شايل ومحمل وصارف ومكلف ههههههه
مامتي لمت كل هدايا السبوع وحطيتهم في اوضة النوم وفي حاجات اتحطت في التلاجة تاني يوم بفتح التلاجه اتفاجأة بشوكولاتات كتيره فرحت اوووي بس الصدمة اني باكل شكولاته منهم لاقيتها
طعمها غريب وجديد عليه انا خلصتها من هنا ودماغي تقلت من هنا بكلم جوزي قالي انتي عملتي ايه قولتله اكلت الشكولاته دي قالي ينهاري ده شكولاته بالخمرة (الوسكي) طبعا منطقتش ولا كلمه واما فوقت قعدت ازعق لجوزي ازاي ومين اللي جايبها قالي عمي جيبها معاه وهو جاي من ألمانيا صوت وقعدت اعيط وقولتله وعمك ده ازاي يجبها حرام عليه ومقالش ليه قالي انه قاله وانه قعد يدور عليها وسط الهدايا وخاف يقولي قولتله اااه وسيادتك كنت حتاكلها قالي لا كنت
حرميها طبعا انا الصراحة مصدقتش جوزي وطبعا بسأل هو انا كده حرام عليه طب اكفر عن الذنب ده ازاي واصلي اصلا ازاي واتعامل مع جوزي وأهله ازاي انا كده شكيت في جوزي وان الدنيا سهله اوي عنده انا عارفه انه مؤدب ومحترم وابن ناس بس اعمل ايه انا عارفه اني دوشتكم بس بالله عليكم يا استاذه غاده على صفحتك ازواج لكن سعداء شوفولي حل واسفه على الاطاله
ارتفاع أسعار الذهب اليوم الجمعة ليصل سعر عيار 21 إلى 4900 جنيهًا
ارتفعت أسعار الذهب في مصر، ظهر اليوم الجمعة 12-9-2025، بمتوسط 10 جنيهات للجرام، مدفوعًا بزيادة أسعار المعدن النفيس عالميًا، ليصل سعر عيار 21، وهو الأكثر مبيعًا في السوق المحلي، إلى 4900 جنيهًا، ووصل سعر الجنيه الذهب إلى 39200 جنيهًا.
وجاءت أسعار الذهب في مصر كالتالي:
سعر الذهب عيار 24: 5600 جنيهًا
سعر الذهب عيار 22: 5133.25 جنيه
سعر الذهب عيار 21: 4900 جنيهًا
سعر الذهب عيار 18: 4200 جنيهًا
سعر الذهب عيار 14: 3266.75 جنيه
سعر الجنيه الذهب: 39200 جنيهًا
