جوزي (31 سنة) عمل تحليل DNA لبنتنا (5 سنين) وطلع مش أبوها
جوزي (31 سنة) عمل تحليل DNA لبنتنا (5 سنين) وطلع مش أبوها، بس أنا عمري ما خنتـ*ـه، ودلوقتي فاكر إن علاقتنا كلها كدب وعايز يطلقني، أعمل إيه؟
— الجزء الأول —
أنا مش عارفة ده حصل إزاي ومبطلتش عياط طول اليوم، أنا عمرى ما خنـ*ـت جوزي.
أنا فعلًا بحبه، إحنا مع بعض من أيام الجامعة، وهو حب حياتي (وسيم وطيب.)
مفيش أي حد تاني ممكن يكون والد بنتنا، كنا متجوزين وقتها وبنحاول نخلف.
أنا عمري ما خنـ*ـت، ومستحيل أخو*ن، ومش فاهمة هو خد الاختبار الغبي ده ليه لأني مش ممكن أخو*نه، بس نتيجة التحليل طلعت إنه مش أبوها، ودلوقتي هو فاكر إن علاقتنا كلها كانت كدب وعايز يطلقني، وأنا مش عارفة أعمل إيه.
بقاله كام شهر كده متغير تمامًا، بقى إنسان تاني، بقى بارد وبيشك فيا على طول.
بقى عايز يفتش موبايلي ومش بيقولي ليه، وكنت في الأول بورهوله، بس بعدين قولتله مش هفتح تاني غير لما يفهمني السبب، بقى بعيد عن بنتنا كمان.
بيقعد في أوضته بالساعات ومش عارفة بيعمل إيه، أنا متأكدة إني ما خنتو*ش.
النهارده الصبح بقى اتهمني بالخيا*نة، وقال إنه عمل التحليل بعد ما لاحظ إن عيون بنتنا بني، مع إن إحنا الاتنين عيونّا زرقا، وطلب مني أخرج من البيت.
أنا رفضت أسيب البيت، فقفل عليا أوضتنا، وأنا دلوقتي قاعدة في أوضة بنتنا.
أنا مرعوبة ومش عارفة أتصرف.
أعمل إيه؟
تعديل: أنا محتاجة نصيحة محددة عن إزاي أثبت إني بريئة، وإزاي أحافظ على علاقتنا.
أنا عايزة أخلّي أسرتنا تفضل مع بعض مهما حصل.
كمان، لسه مخلصة كلام مع جوزي، هو خرج من الأوضة أخيرًا واتكلمنا شوية.
قولتله تاني إني عمري ما خنتـ*ـه، وابتديت اتكلم عن قايمة التحاليل اللي عايزة أعملها، بس هو قال إنه مش عايز يسمع الكلام ده دلوقتي.
فقررنا إننا هنتكلم أكتر بوضوح بكرة.
هو قال إنه لسه بيحب بنتنا، ومش هيمنعني من دخول الأوضة أو البيت دلوقتي.
طلبت منه يحضني، وحضني فعلًا.
بس أنا خايفة إني مش هعرف أقنعه، كل اللي عايزاه إن أسرتنا ترجع زي ما كانت.
أعمل إيه علشان أكون زوجة كويسة وأدعمه، وفي نفس الوقت أثبت براءتي؟
———
— كل يوم جملة جديدة:
How do I prove something that never happened?
إزاي أثبت حاجة عمرها ما حصلت؟
#ريديت #ريديت_مع_سارة
#تامر_وشوقية
#سارة_طارق_صابر
— الجزء التاني —
أهلاً يا جماعة، أول حاجة حابة أشكر كل الناس اللي بعتولي، البوست الأول بتاعي وصل لناس كتير جدًا، ومكنتش قادرة أرد على الكل، بس في الآخر كتبت قايمة بالخطط والتحاليل اللي عايزة أعملها.
جوزي كان شاكك فيا لفترة، لكنه اعتذرلي عن طريقته (رغم إني مكنتش محتاجة الاعتذار) وقال إنه مش هيحاول يطردني من البيت تاني. بس قالي إنه لو كل التحاليل أثبتت إني خنتـ*ـه، “هيقلب الدنيا”.
عملنا كذا تحليل، تحليل DNA ليّا، وللبنت، وليه، وكنا حاجزين مع دكتور متخصص في “الجينات”، لكن المعاد اتلغى… علشان، زي ما بعضكم توقّع، بنتنا طلعت مش بنتي أصلًا.
مش عارفة ده حصل إزاي، لكن الظابط جه البيت وخد أقوالنا، ودلوقتي إحنا رافعين قضية على المستشفى اللي ولدت فيها.
أنا مش عارفة بنتي الحقيقية فين، وده مرعب.
جوزي رجعلي، بس حياتي كلها اتشقلبت، وكل اللي بتمناه إنه مكنش عمل التحليل الغبي ده من الأول.
أنا لسه بنام في أوضة بنتي، وقلبي مقبوض من فكرة إنها ممكن تتاخد مني، وفي نفس الوقت، نفسي أعرف بنتي الحقيقية فين، وهل هي بخير؟ بدعي ربنا تكون بخير.
بنتي لسه مش عارفة التفاصيل، وإحنا بنحاول نخبي الموضوع تمامًا، آخر حاجة محتاجينها دلوقتي هي فضيحة كبيرة، مش عايزة الناس اللي يعرفونا يبصولها بطريقة مختلفة.
هي تستاهل أحسن من كده، دي بنت شاطرة أوي، ومش فرجة علشان الناس تبصلها وتتكلم عنها.
لو قدرنا نلاقي أهلها، أنا مش عارفة هنعمل إيه، بس يمكن أحسن سيناريو ممكن يحصل هو إننا نشتري بيت أكبر ونعيش كلنا مع بعض، بس مش عارفة إذا كنا نقدر نتحمل تكلفته، أو إذا هم هيوافقوا أصلًا، أو حتى إذا هنقدر نلاقيهم، أو يمكن أنا مجنونة.
الموضوع كله مش طبيعي، مش عارفة أي حد حصله حاجة زي دي قبل كده.
