اغرب حالة حمل
ليه بتقول كده علي نفسك
عشان ياستي جاي اخطبك وكل اللي اعرفه عنك هو أسمك بس.
ابتسمت وبصيت في الأرض وسألته .
انت عايز تعرف ايه طيب وانا هقولك.
كل حاجة ياريت تعرفيني كل حاجه عن نفسك.
بص ياسيدي انا اسمى نيرة زي منتا عارف عندي سبعة وعشرين سنة. كلية حقوق بس قعدت في البـ,ـيت مشتغلتش بشهادتي عشان بابا رفض وقالي انا سبتك تكملي تعليم عشان مشلش ذنبك لكن معنديش بنات تشتغل بس يا سيدي ادي كل الحكاية.
بصراحه بابا عنده حق انا كمان مبحبش الست تشتغل وفي حاجة تانية أهم.
حاجة ايه دي
مبحبش الست اللي بتسال كتير.
مكنتش فاهمة يقصد ايه بموضوع تسأل كتير ده لكن قلت اوافقه وخلاص مش هخسر حاجة.
وقعدنا نتكلم كتير في مواضيع كتير أوي وخلصنا كلامنا وهو اخد بعضه ومشي.
في المجمل كنت مبسوطه
بيه وبالحاجات اللي بيعملها عشاني لان في الأيام اللي بعد كده لقيته كويس اوي بصراحه وبيعاملني حلو اوي ومش بيزعلني خالص حبيته اوي في الفترة الصغيرة دي كانت خطوبتنا مش طويلة خالص يادوب شهر وأحد وبعدها اتجوزنا وعشنا في شـ,ـقة لوحدنا وكنت مستغربة من الموضوع ده ليه يسيب مامته تعيش في شـ,ـقة لوحدها واحنا نعيش في شــ,قة لوحدنا حتى إني كلمته في الموضوع ده
لكنه قلي عشان نكون على راحتنا اكتر بدل ما تدايقي وتحسي إنك مش عارفة تاخدي خصوصياتك كويس وكده. وبصراحه اقتنعت بكلامه. وعشت معاه حياة جميلة اوي وسعيدة مقدرش أنكر لكنه كان مستعجل اوى على موضوع الأطفال ده كل ما اقوله نستنى شوية ونعيش حياتنا و كده يقولي لا ما احنا هنعيش حياتنا مټخافيش
وقلت إني هعملها له مفاجأة مش هعرفه دلوقتي
خالص.
بس بعدها بيومين على طول حلمت حلم وحش اوى وفظيع بجد يعني.
كنت واقفة في أرض خالية مفيهاش اي حد غيري والهواء كان شديد اوى الجو كان مغيم مفيش مطرة لكن في غيوم شديدة والجو كان مضلم شوية فضلت أصـ,ـرخ عشان حد يسمعني لكن مفيش فايدة ومن بعيد لمحت لحد ماشي ناحيتي ولا حتى كنت قادرة اشوف ملامح وشه بس كنت ملاحظة إنه شايل حاجة بين ايديه ومقدرتش برضه اتبين ايه الحاجة دي من بعيد ولقيت إنه طفل طفل ابيض جميل وعنيه لونهم اسود وشعره بني غامق بصيت للشخص ده وانا بساله هو مين الطفل ده
