إشتغلت في بيت واحد بينحت تماثيل
هزيت راسي وأنا بقوله مفهوم يا بيه
رانيا فهمتك النظام
قلتله آه.. حضرتك هتقفل عليا من برا بالمفتاح وهتسيبني هنا طول الليـ,ـل هنضف كل حاجة والصبح هتيجي حضرتك تفتح الباب وتحاسبني
مش مهم يا اسمك إيه المهم التماثيل تفضل دايما باصة للحيطة
بص في ساعته وهو بيقول أنا لازم أمشي دلوقتي.. الصبح هنتقابل عايزة حاجة قبل ما أقفل الباب
قلتله لأ يا بيه شكرا
الأكل في التلاجة كله تحت أمرك والتليفزيون شغال.. سلي نفسك سلام
خرج وقفل الباب وراه بالمفتاح وسابني لوحدي في البـ,ـيت!
البيـ,ـت كان كئيب مقبض حسيت إن قلبي مقـ,ـبوض بدون سبب مفهوم بس مش مشـ,ـكلة يمكن بس عشان أول مرة أشوف بيـ,ـت حد من الجماعة النحاتين دول عموما خليني ألف شوية في البيـ,ـت عشان أحدد هعمل إيه وهبدأ منين بحيث أخلص بدري على أد ما أقدر.
عارفين كلمة فـ,ـوضى أهو البـ,ـيت كان في حالة فـ,ـوضى بمعنى الكلمة مفيش حاجة في مكانها الهـ,ـدوم مرمية في كل مكان الحوض مليان أطباق قذرة الاستوديو بتاعه مش طبيعي فيه ٤ تماثيل.. تمثال في كل ركن باصص للحيطة ترابيزة صغيرة مليانة معدات قذرة الأرض مليانة طين ناشف ومواد تانية مش عارفة هي إيه المكان دا أكتر مكان محتاج تنضيف وهعمل فيه مجهود في البيـ,ـت عشان كدا قلت أسيبه للآخر نضفت أو,ضة النـ,ـوم رتبت الهـ,ـدوم النضيفة وحطيت الهـ,ـدوم اللي محتاجة غسيل في الغسالة كنست الأرض رتبت السـ,ـرير هويت الأو,ضة وعملت كل حاجة وكذلك بقية الأوض..
وفي أقل من ساعتين زمن كنت رتبت البيـ,ـت كله فاضل الحوض ودا مش هعمله دلوقتي والاستوديو.. بصيت في الساعة الساعة ١ ونص بالليـ,ـل أنا مش عارفة هو ليه مصمم البـ,ـيت يتنضف في وقت زي دا يعني!
دخلت الاستوديو فتحت النور بتاعه.. اللمبة رعشت مرتين قبل ما تتقفل بفرقعة مكتومة الله! هو دا فعلا اللي كنت محتاجاه هضطر أنضفه على النور الخفيف اللي جاي من الصالة بصيت للتماثيل وبلعت ريقي الضلمة بتوترني جدا بدأت أنضف الترابيزة وأرتب العدة الموجودة فوقها واحدة واحدة بدأت أنسى الخوف وأركز في شغلي بس فجـ,ـأة.. حسيت بحركة خفيفة جاية من واحد من الأركان بصيت وشفت التمثال زي ما هو أمال إيه اللي إتحرك دا
قبل ما ألاقي إجابة لسؤالي حسيت بحركة في الركن التاني والتالت والرابع وكأن الضل الخافت دا بيلف في النور الخفيف دا بيتنقل من تمثال لتمثال بدأت سرعته تزيد وبدأت ألف حوالين نفسي وكأني بحاول ألحقه أو حتى ألحق أبص عليه بصة كويسة..
طاك!
نطيت من مكاني وأنا بقول بسم الله الرحمن الرحيم!
باب الاستوديو إتقفل الهوا. . صح أكيد الهوا هو اللي
