كنت معزومه فى فرح واحده صاحبتى

أنا نوال عندي 29 سنه متجوزه بقالي سنتين لسه ماعنديش أطفال جوزي اسمه محمود شغال محاسب في شركة. اتجوزنا في شقة ايجار وقعدنا فيها سنة وبعد السنة لاقينا الشىقة اللي ساكنين فيها دلوقتي اشتريناها تمليك وعلشان الظروف اضطريت أبيع دهبي علشان نقدر نكمل تمنها . حياتنا كانت هادية ومستقرة لحد ما الشىقة اللي قصادنا سكنت !! شفت جارتنا الجديدة كذا مره علي السلم ست حلوة وصغيره وكمان مهتمه بنفسها. بعد ما سكنت بأسبوع لاقيتها بتخبط فتحتلها استغربت ازاي خرجت باللبىس ده بره باب شىقتها لانه مكشوف قولتلها اتفضلي قالتلي زهقت من القعده لوحدي قلت أجيلك أقعد معاكي شويه قلتها ي

أهلا بيكي قالتلي مابتزهقيش من القعده لوحدك بشوف جوزك بيخرج بدري مش بييجي غير أخر النهار قلتلها خلاص اتعودت بقالي سنتين بالنظام ده قالتلي أنا بقي جوزي شغال في محافظه تانيه مش بييجي غير كل شهر أسبوع وبقالي علي الحال ده أربع سنين بس لسه ما اتعودتش . دردشنا شويه لحد ما جوزي جه أستأذنت وراحت شقتها وتكررت الزيارات بيني وبينها وفي يوم كنت أنا وجوزي بنتغدي والباب خبط فتحت الباب لاقيت جارتنا و قالتلي معلش خلي جوزك ييجي يشوف التكييف أحسن مش راضي يشتغل بحسن نيه دخلت قلت لجوزي قالي حاضر قلتله استني أجي معاك قالي لأ خليكي وراح

جوزي يشوف التكييف وأنا علي ڼار ازاي سبته يروح معاها لوحدهم وهي باللبىس ده وفضلتاغي تجيب وتودي لحد ما جوزي رجع أول ما دخل قالي الريموت كان معلق وعملته قلتله تمام وسكت قالي مالك قلتله مافيش صدعت شويه. و مارضيتش أتكلم معاه أحسن يقول عليا غيرانه منها بعدها لاحظت أن جوزي علي غير عادته بدأ يسأل عليها كتير وهي كمان كل ما كانت تشوفني تقعد توصفلي قد ايه جوزي جدع وحنين ويا بختي بيه . بدأت أقلق منهم الاتنين بالذات لما لاحظت انها بتتعمد وقت رجوع جوزي من الشغل تقف قدام الباب أما أنا بدأت أحاول أتجنبها علي

قد ما أقدر. وفي يوم علي ميعاد رجوع جوزي من الشغل كنت بخرج الزبىاله قدام باب الشىقه شفت باب جارتي مفتوح دخلت وقفلت باب شىقتي وفضلت واقفه ورا الباب أبص من العين السىحرية لما جوزي طلع شفت جارتي ندت عليه ودخل معاها شىقتها وقفلت الباب………….. يتبع