انا بشتغل خدامة

كل الخدم نايمين والبيت كله كان فاضي والوقت متأخر وحسيت أني جعانه قومت عشان أشوف حاجه تتاكل بدأت أتسحب وروحت ناحية المطبخ طلعت سندوتشات وبدأت أعمل كوباية نسكافيه حسيت بحركه جايه ناحية المطبخ
اتحرجت وكنت همشي بس كان هو تميم بيه استغرب لما شافني في الوقت ده بس فهم من السندوتشات
ابتسم وقال: تصدقي أن أنا حماتي بتحبني

استغربت من كلامه معايا ولقيته بيكمل كلامه وقال: كنت جعان وجاي عشان أعمل حاجه أكلها
بشهقه قولت: حضرتك لو كنت أتصلت بيا كنت طلعتلك أكل.
ابتسم وقال: أحنا فيها
رديت بخجل: حاضر تحت أمرك تقدر حضرتك تطلع وهجيبلك الأكل.
كان هيمشي ووقف وقال: وممكن برضو تعمليلي معاكي نسكافيه وطلعي أكلك فوق مع اكلي.
سكت وهو بيبصلي وقال: هناكل سوا
وقفت مصډومة وهو مشي وعملت الأكل وانا متوتره وقلقانه وحطيته في صينيه كبيره وطلعت عنده ولقيته بيقولي: تعالي أقعدي هنا
كان قاعد في البلكونه وبيشاور علي الكرسي اللي جمبه قعدت بهدوء وبدأت أكل وانا ھموت من الخۏف والكسوف وفجأة سؤاله صدمني: هند انتي في حد في حياتك؟
شهقت پصدمة وانا باكل ونطقت: حد ازاي!!
تميم: قصدي مرتبطه يعني؟
اتكلمت بحزن: وهو مين هيرتبط بيا يا تميم بيه!
عقد حواجبه وقال: اكيد ناس كتيره تتمني ده أنت شكلك مش عارفه قيمة نفسك!
بصيت في الأرض وقولت: اللي زيي يا تميم بيه ملهاش أنها تحب وتتحب اللي زي عايشه عشان لقمة عيشها وبس
هز راسه بنفي وقال: لاء طبعا أنت تتحبي أنت جميله يا هند وبعيدا عن الجمال لأن الجمال مش كل حاجه أنت طيبه ونيتك صافيه ومن كتر طيبتك تخلي الحجر يلين
ابتسمت من كلامه وقولت: مش كل الناس تفكيرها جميل زي حضرتك يا تميم بيه
بضيق قال: ما بلاش بيه دي بتكبريني وبحسها مش حلوه منك
بزهول قولت: أمال أقول أيه
= بسيطه قولي تميم
پصدمه: لا لا مش هينفع
حط أيديه علي أيدي وقال: لا هينفع
بصيت علي أيديه وأيدي كانت بتترعش لأول مره حد أيدي وأحس بالدفا ده لأول مره أحس أني مرتاحه بوجود حد
اتكلمت بكسوف: تميم بيه
بص لي وعيونه كانت كلها حنيه وقال: تميم بيه أيه بس تميم بيه وقع ومحدش سمي عليه.
ولسه بيقرب مني اكتر وفجأة الباب اتفتح… يتبع