شارعنا موجود جوه منطقة شعبية

عمارة الشمرى كلنا تقريبًا بنشوف إن أكبر قوة ش.ر متمثلة في الشـ،ـياطين والجـ،ـن.. لكن مافيش مرة فكرنا في النفوس اللي بتسخر كل ده في خدمة الشـ،ـر، وبتتحول الشيـ،ـاطين ساعتها لأدوات بتخدم شر اللي سخرها، والنفس البشرية هي أساس الشر، والعامل الأساسي اللي بيتبني عليه كل شيء سيء وقىذر.. النفس السيئة بتهيأ لصاحبها كل السبل الممكنة والغير ممكنة إنه يُشىبع شىهوته في ممىارسة الشـ،ـر..

شارعنا موجود جوه منطقة شعبية، وجوه شارعنا، وتحديدًا قصاد العمارة اللي أنا ساكن فيها في أرض فاضية وعليها سور من الطوب.. بالبلدي كده هي خىرابة، مليانة زبىالة أعزكم الله، ومستنقع للحشرات، ومن تكدس الزبىالة فيها بتولىع لوحدها بسبب حر الصيف.. سنين ووسنين وفضلت الخىرابة على دا الحال، لحد ما صحينا يوم الصبح لقينا دوشة وأصوات حفر وخلافه، وعرفنا إن في ناس اشتروا حتة الأرض دي، وقرروا يبنوا عليها عمارة سكنية كبيرة.. ساعتها كان لسان كل واحد من سكان شارعنا بيقول: إن أخيرًا القىرف ده اتشال، وهيبقي مكانه في حاجة كويسة بدل الريحة النىتنة والحىرايق اللي بتحصل في الخىرابة.. وفي خلال سنة تقريبًا كانت العمارة خلصت وسكنت بالكامل.. بس بصراحة؛ بعدها بقينا نقول بندم: ياريت الخىرابة فضلت والعمارة دي ماكنتش اتبنت.

اتعرفت العمارة باسم عمارة الشمري نسبة لصاحبها، وبقيت أشهر عمارة في الحي بالكامل بسبب الأحداث اللي حصلت فيها.. وبرغم إن فات على الأحداث سنين، إلا إن لسه سيرة العمارة وحكايتها عايشة بين الناس وبيحكوا عنها وعن غرابتها ورعىبها لحد يومنا ده.

العمارة كانت 6 أدوار.. كل دور على شىقة واحدة، وكل شىقة بيسكنها أسرة ما جديدة عن منطقتنا لأن طبعًا العمارة لسه جديدة.. الدور الاول كان ملك لواحد اسمه محمد، وده كان بيوضبها عشان يتجوز، بالتالى كان بيجي كل فترة يظبط حاجات في الشىقة ويمشي.

الدور التانى ملك لأسرة مكونة من 4 أفراد أم وأب في التلاتينات محمود وايمان وابنهم رامي وبنتهم رضوى

الدور التالت كان لست أرملة اسمها مدام جيهان قريبة صاحب العمارة، عندها يجي ٥٠ سنة كده.

الدور الرابع ساكن فيه عم سيد، وده راجل في السبعين من عمره ومراته الحاجة إلهام.

الدور الخامس كان ابن صاحب البيت عصام وعروستة، اللي يا دوب اتجوزوا بعد شهر من انهاء بناء العمارة وكانت تقريبًا سكنت كلها.