عشان عامية

وطي صوتك يا هند الله اسكتي لما نشوف المص.يبة دي

محمود

انتي حاسه بايه يا ندى قولي لنا في ايه

ندى

انا مش شايفه اي حاجة يا محمود هو ايه اللي حصلي وطارق فين انا عايزة طارق

الحما

انتو عملت حاد.ثه بالعربية واتقلبت بيكي انتي وطارق

ندى بعياط

طيب وطارق فين يا حماتي هو كويس طيب جرا له حاجة قولي لي ياناس جوزي فين طمنوني عليه هو جرا له حاجة وانتو مخبين عليا

الحما

فال الله ولا فالك طارق الحمد لله بخير هو بس يا حبيبي ايدة ورجله اتكس..رو واتجبسو وهو في الاوضة اللي جنبك انا هاروح اشوفة وانادي للدكتور

ومشيت حماتي راحت اوضتة ابنها والدكتور دخل عندي وكشف عليا وقال

للأسف يامدام ندى انتي حصل عندك عمى كلي في عيونك ومش هتقدرى تشوفي تاني

ندى بانهيا.ر

ايه ا ازاى الكلام ده لا لا ده حرام والله انا عايزة ارجع اشوف تاني رجعو لي عيوني يانااااس وفضلت اسر.خ بعدها

حماتي عند طارق في الاوضة وقال لها

ندى عامله ايه يا ماما طمنيني عليها هي كويسة ولا ايه

الحما بحزن

هي كويسة ياحبيبي اطمن مفيهاش اي حاجة بس اااا……

طارق

بس ايه يا ماما قولي لي في ايه ندى حصلها ايه متخبيش عليا ارجوكي قولي

الام

. مراتك اتعمت يا طارق والدكتور قال إنها مش هاشوف تاني يابني ده قضاء ربنا واحنا ملناش يد فيه

طارق

يعني ايه ياماما صحيح ندى اتعمت يعني مش هاشوف حاجة ابدا لا اله الا الله ليه كده بس يا ربي انا السبب ياماما انا السبب

الام

اهدي ياحبيبي انت مش السبب قولت لك ده قضاء ربنا وهو اللي عايز كده قول الحمد لله انكم طلعتو منها سلام انت وهي يابني

طارق

طيب انا عايز اروح اشوفها عايز اطمن عليها بنفسي يا ماما ارجوكي وديني عندها

الام

. وانت هاتروح لها ازاى بس يابني هو انت قادر تمشي على رجلك وبايدك المكسورين دول استني بس هي شوية وهخليها تيجي لك هي

وعدت الايام. انا في المستشفى وبعدها خرجت رجعت البيت انا وطارق وهو قالي

ايه يا ياحبيبتي انتي عاملة ايه دلوقتي كويسة

ندى بحزن

الحمد لله يا طارق انا كويسة متحملش همي انت بس وطمني ايدك ورجلك عاملين ايه دلوقتي

طارق

الحمد لله يا حبيبتي اهو الدكتور قالي ان خلاص اهو هانت وهاروح بكرة ولا بعده افك الجبس وكمان هرجع الشغل

ندى

طيب الحمد لله انك بقيت بخير ياحبيبي انا مبسوطة انك هتبقي كويس وترجع تروح شغلك تاني

طارق.

انا اسف يا ندى اسف على اللي حصل يوم الحادثه والله انا كان من وقتها وانا بلوم نفسي على كل لحظة اتعصبت عليكي فيها

ندى

متقولش كده يا طارق ده قضاء ربنا وبعدين هو ربنا كات لي اني افضل كده خلاص ده حكم ربنا وانا مش هعترض خلاص

طارق

ياحبيبتي ان شاء الله بس ربنا ياخد بيدي واقدر أدبر لك فلوس ونعملك عمليه وترجعي تشوفي تاني انا اهم حاجة عندي انك تبقى كويسة

ندى

متشغلش بالك يا طارق بيا انا كده كويسة جدا ولا يهمك يا حبيبي وبعدين بطل كل شوية والتانية تأنب نفسك علي اللي حصل ده شئ كان مكتوب لنا من قبل ما نركب العربية حتى لو مكنتش اتعصبت كان هيحصل ومين عارف وعسى ان تكرهوا شيئا وهو خيرا لكم يمكن اللي حصلنا ده خير مين عارف

طارق

ونعم بالله ياحبيبتي اكتر حاجة بتعجبني فيكي إيمانك بالله يا ندى ربنا ما يحرمني منك يارب ياحبيبتي

وتحت عند حماتي

وبعدين يا حماتي هو انا هنفضل بقا نطلع نعملها كل حاجة في البيت دي ولا كاننا خدامين عندها انا وانتي لا لا انا مش هقدر استحمل كده انا

الحما

ادينا بنعمل عشان ينوبنا ثواب يا هند ولا انتي مش عايزة الثواب ده بقولك ايه بطلي كل شوية تتكلمي في الموضوع ده

هند.

هو انا يعني بتكلم من فراغ ده ربنا اللي يعلم انتي صعبانة عليا ازاى ولا ابنك طارق المسكينة ده ليه يعني يفضل بقيت عمره عايش مع واحده عاميه كده ده لسه صغير على الهم ده

الحما

والله بقا هو حر ياختي دي مراتة واللي حصل معاها ده من عند ربنا وهو بقا قادر انه يزيح الغمة ان شاء الله

هند

ااه طيب بس انا بقا معلش انا مش هشتغل خدامة عند حد طيب ما تخلي طارق ابنك يتجوز ياحماتي ده حتى على الاقل هيجيب واحده تخلف له حتة عيل بدال ما الست ندى اللي مش عارفه تخلف له عيل لا وكمان اتعمت ده ايه المرار ده

الحما

. بقولك ايه يابت يا هند قومي من هنا انا مش ناقصه وجع دماغ انا مش نقصاكي ياختي يلا غوري من قدامي كتك الهم

وعندي في شقتي الصبح طارق قالي

انا نازل الشغل ياحبيبتي انتي عايزة مني حاجة يا ندى لو احتاجتي حاجة ابقي خلي ماما تتصل بيا

ندى

انا عايزة سلامتك يا حبيبي ابقي خلي بالك من نفسك هي العربية لسه في التوكيل بتتصلح ولا ايه

طارق

ايوه لسه قدمها مش اقل من اسبوعين على ما اروح استلمها انا بروح مواصلات هعمل ايه يعني يلا سلام ياحبيبتي

وفي اللحظة دي كان بيفتح باب شقته ولقي مامتة في وشة وقالت له

انت نازل يا حبيبي هي مراتك صاحيه ولا نايمة يا طارق

طارق

لا يا ماما دي صاحيه جوه في الاوضة وكويس انك طلعتي عشان ابقي مطمن عليها وانتي معاها

الام

طيب يا حبيبي روح انت شغلك وملكش دعوة بيها اديني معاها اهو وخلي بالك انا كده بقيت خدامة لمراتك بلا نيلة كان مستخبي لنا فين ده بس يا ربي

طارق