شارعنا موجود جوه منطقة شعبية
وبعدها بدقيقة نزل شهاب من العمارة ومعاه واحدة فعلًا وفي ثواني اختفوا، ونزل الراجل وراه وهو في حالة هيستيرية وبيبكي وبيقول:
_ استعوضت فيك ربنا خلاص، يا رب يا تاخده يا تهديه وترجعه عن الطريق ده.
كالعادة اتلمينا وبدأ الراجل يفضفض بالكلام ويقول:
_ الواد كان طبيعي وكويس وزي الفل والله، ومن سنة بدأ يتغير، ده ماكنش بيسيب صلاة، فجأة بدأ يقلل واحدة واحدة لحد ما لما بقى مابيركعهاش،وماكنش بيشرب سىجاير، وبدأنا نشم ريحتها في هىدومه فقولت شباب وبتجرب، وقعدت معاه مرة واتنين ونصحته، لكن الأمور اتطورت بسرعة، بقا على طول حابىس نفسه في أوضته، ومابقيناش نشوفه إلا بس وهو نازل، وأول ما يرجع يدخل على أوضته ويقفل الباب على نفسه، بقينا نسمع من أوضته مزيكا غريبة كلها خبط ورزع وأصوات عالية ومزعجة.. ده كمان مابقاش يغير هىدومه، ممكن يقعد لابس تي شيرت شهر، والله حد ما بقا يرضى يستحمى خالص.. أنا مش قادر أفسر اللي بيحصل له، إخواته عُمر ما حد فيهم زعلني ولا عمل حاجة بره حدود الأدب، لكن ده اتشبطن.. ساب الصلاة وبقى يشرب مخىدرات، وأهو وصل بيه الحال والمرة دي جايب لي واحدة البيت.. أنا خلاص فاض بيا، واتصلت بأخوه الكبير هو بقى يتصرف معاه، أنا كبرت ومابقيتش قادر عليه خلاص..
كلام عم متولى كان غريب جدًا، وناتج عن حد فاض بيه فعلًا، ومابقاش لاقي حل مع حال ابنه اللي اتغير ١٨٠ درجة، بس للأسف إحنا مافيش في إيدينا حاجة نعملها غير إننا نسمع ونحاول نطيب خاطره، وندعي لشهاب إن ربنا يهديه..
فات بعد الموقف ده ٣ أيام.. وفي لبلة قرب الفجر؛ حصل زعبق جامد كالعادة.. وفجأة سمعنا المرة دي صوت بتترزع ووقعت من مكان عالي على الأرض، وبعدها سمعنا صوت صىريخ مرعىب، نزلت أجري على عمارة الشمري، وكل الناس اتجمعوا ودخلنا العمارة، عشان نوقف كلنا مصىدومين من المشهد اللي شوفناه.. الصذمة إننا لقينا شهاب واقع في حوش أو بير السلم وغىرقان في ذمه.. وجسمه كله متكىسر تقريبًا من الوقعة من الدور السادس على سيراميك أرضية الحوش.. مشهد مرعىب؛ ويخلى الجسم يقشعر والعين تدمع على مىوت شاب في بداية حياته بالطريقة دي، وأكيد مىات وهو مش في وعيه، كل اللي نقدر نعمله في سرنا إننا ندعي له ربنا يسامحه.. ساعتها اللي جري يطلب الإسعاف، واللي راح يكلم البوىليس، ووسط كل ده؛ نزل من فوق عم متولي وأخو شهاب الكبير ووالدته.. جري عم متولي ومراته ونزلوا على الأرض وحىضنوا ابنهم المبت في مشهد مؤثر أجبر كل اللي واقفين على العياط والتأثر، إلا إن أخوه فضل واقف مكانه ماتحركش، وده كان غريب في حد ذاته.. الإسعاف والشرطة والنيابة وصلوا، وبدأت كل جهة فيهم تعمل دورها.. فالشرطة عملت كاردون حوالين الشارع والعمارة، والنيابة والبحث الحنائي بدأوا في رفع البصمات وتوجيه بعض الأسئلة لأهله والناس، وقامت الإسعاف بنقله للمشىرحة عشان استكمال عملية التشىريح ومعرفة التتيجة إن كان انتىحر ولا وقىع ومىات بفعل فاعل.. وبعدها انفىضت الناس، والنيابة أخدوا والد وأخو شهاب معاهم عشان يستكموا التحقيق والإجراءات.
